Ջենիֆեր Աբել
| Ջենիֆեր Աբել | |
|---|---|
 | |
| Անձնական տեղեկություն | |
| Սեռ՝ | իգական |
| Մականուն(ներ)՝ | Jenn |
| Մասնագիտացում՝ | ջրացատկորդ և լողորդ |
| Երկիր՝ | .svg){kind=small} Կանադա |
| Ծննդյան ամսաթիվ՝ | օգոստոսի 23, 1991 (33 տարեկան) |
| Ծննդավայր՝ | Մոնրեալ, Քվեբեկ, Կանադա |
| Հասակ՝ | 160 սանտիմետր |
| Քաշ՝ | 62 կիլոգրամ |
Ջենիֆեր Աբել (անգլ.՝ Jennifer Abel, օգոստոսի 23, 1991, Մոնրեալ, Քվեբեկ, Կանադա), կանադացի ջրացատկորդ[1][2][3], 2012 թվականի Օլիմպիական խաղերի բրոնզե մեդալակիր ցատկահարթակից սինխրոն ցատկերում, 2020 թվականի Օլիմպիական խաղերի արծաթե մեդալակիր, աշխարհի առաջնությունների 5-ակի մեդալակիր, 2015 թվականի Պանամերիկյան խաղերի չեմպիոն, Համագործակցության խաղերի քառակի չեմպիոն։ Մասնագիտացած է երեք մետր և մեկ մետր բարձրությամբ ցատկահարթակներից ցատկերում։
Սպորտային կարիերա
[խմբագրել | խմբագրել կոդը]Աբելը ջրացատկով զբաղվելը սկսել է 4 տարեկանում՝ հետևելով ավագ եղբոր օրինակին։ 2006 թվականից Ջենիֆերը սկսել է հանդես գալ Կանադայի հավաքականում՝ մասնակցելով Գրան պրիի էտապին։
2008 թվականին Ջենիֆերը նորամուտը նշել Է Պեկինի Օլիմպիական խաղերում, սակայն 3 մետր տրամպլինում գրավել է 13-րդ տեղը կիսաեզրափակիչում և դուրս չի եկել եզրափակիչ։ 2009 թվականին մասնակցել է աշխարհի առաջնությանը, որտեղ 12-րդ տեղն Է զբաղեցրել 1 մ ցատկահարթակում, 11-րդը՝ 3 մետր տրամպլինում՝ բրոնզե մեդալի համար պայքարում զիջելով ռուս Յուլիա Պախալինային և Անաստասիա Պոզդնյակովային։
2010 թվականին երկու ոսկե և արծաթե մեդալ է նվաճել Համագործակցության խաղերում[4]։ 2011 թվականին նվաճել է արծաթե մեդալ Պանամերիկյան խաղերում, հաջողությամբ հանդես է եկել աշխարհի առաջնությունում, որտեղ նվաճել է արծաթե մեդալ սինխրոն ցատկում և բրոնզե մեդալ անհատական առաջնությունում, ինչպես նաև զբաղեցրել է 14-րդ տեղը 1 մ ցատկահարթակում։
2012 թվականին Լոնդոնի Օլիմպիական խաղերում Աբելը բրոնզե մեդալ է նվաճել Էմիլի Հեյմանսի հետ միասին[5]։ Անհատական մրցումներում Ջենիֆերը դարձել է 6-րդը։ 2013 թվականին աշխարհի առաջնությունում 3 մետր անհատական ցատկում գրավել է 5-րդ տեղը և սինխրոն ցատկում նվաճել բրոնզե մեդալ։ 2014 թվականին Ջենիֆերը մեկ ոսկե և երկու արծաթե մեդալ է նվաճել Համագործակցության խաղերում։ 2015 թվականին կանադացի ջրացատկորդը Պանամերիկյան խաղերում ոսկե և արծաթե մեդալներ է նվաճել, այնուհետև սինխրոն ցատկում նվաճել է աշխարհի առաջնության արծաթե մեդալը[6], հետո դարձել է երկրորդ խառը համաժամանակյա ցատկերում երեք մետր ցատկահարթակից։
Ռիո դե Ժանեյրոյում կայացած 2016 թվականի Ամառային օլիմպիական խաղերում Աբելը շատ մոտ է եղել երեք մետրանոց ցատկահարթակից անհատական ցատկում պատվո հարթակին հայտնվելուն։ Սկզբում Ջենիֆերը վստահ հաղթել է որակավորումը՝ ավելի քան 5 միավորով առաջ անցնելով երկու չինացի ցատկորդներից։ Կիսաեզրափակչի արդյունքում Աբելը 30 միավոր ավելի քիչ է վաստակել, սակայն դա բավական էր, որպեսզի երրորդ տեղից դուրս գար եզրափակիչ։ Ցատկերի վճռական շարքը անցել է չինացիների ճնշող առավելությամբ։ Չորս ցատկից հետո բրոնզե մեդալի գլխավոր հավակնորդը եղել է Աբելը, սակայն վերջին ցատկի համար նա ստացել է ընդամենը 69 միավոր, ինչի շնորհիվ նրան հաջողվել է առաջ անցնել իտալացի Տանյա Կանյոտոյից, որը նախորդ ցատկերից հետո գրեթե 7 միավորով զիջել է Աբելին։ Սինխրոն ցատկում Աբելը Պամելա Ուորի հետ զույգով նույնպես դարձել է 4-րդը, ընդ որում՝ կանադական դուետը զիջել է ավստրալուհիներ Մեդիսոն Կինիին և Անաբել Սմիթին, որոնք նվաճել են բրոնզե մեդալներ ընդամենը 0,77 միավորի առավելությամբ։
Ջենիֆեր Աբելը որակավորվել է մասնակցելու 2020 թվականի Օլիմպիական խաղերին[7], որտեղ նվաճել է արծաթե մեդալ։ Տոկիոյի Օլիմպիական խաղերից հետո պաշտոնապես հայտարարել է կարիերան ավարտելու մասին։
Մրցանակներ
[խմբագրել | խմբագրել կոդը]- Կանադայի տարվա մարզուհի Aquatic Federation of Canada վարկածով – 2011
Ծանոթագրություններ
[խմբագրել | խմբագրել կոդը]- ↑ Jennifer Abel. sports-reference.com
- ↑ Jennifer Abel Արխիվացված 2016-10-30 Wayback Machine. nbcolympics.com
- ↑ Jennifer Abel Արխիվացված Հոկտեմբեր 21, 2016 Wayback Machine. rio2016.com
- ↑ Canada's Abel adds 3rd diving medal - CBC Sports - Sporting news, opinion, scores, standings, schedules
- ↑ CBC Sports - Heymans, Abel capture Canada's 1st medal at London Olympics
- ↑ «Архивированная копия». Արխիվացված է օրիգինալից 2017 թ․ օգոստոսի 12-ին. Վերցված է 2015 թ․ հուլիսի 31-ին.
- ↑ «Qualifying for Tokyo Olympics an unprecedented challenge because of COVID-19». torontosun (կանադական անգլերեն). Վերցված է 2021 թ․ հունիսի 27-ին.
Արտաքին հղումներ
[խմբագրել | խմբագրել կոդը]- Ջենիֆեր Աբելի էջը Արխիվացված 2021-01-27 Wayback Machine FINA կայքում (անգլ.)
 | Վիքիպահեստն ունի նյութեր, որոնք վերաբերում են «Ջենիֆեր Աբել» հոդվածին։ |
| ||||||||||
- Օգոստոսի 23 ծնունդներ
- 1991 ծնունդներ
- Ապրող անձինք
- Կանադայում ծնվածներ
- Անձինք այբբենական կարգով
- 2012 թվականի Ամառային օլիմպիական խաղերի բրոնզե մեդալակիրներ
- 2012 թվականի Ամառային օլիմպիական խաղերի մեդալակիրներ
- 2020 թվականի Ամառային օլիմպիական խաղերի արծաթե մեդալակիրներ
- Կանադացի ջրացատկորդներ
- Կանադացի օլիմպիական մարզիկներ
- Կանադացի օլիմպիական մեդալակիրներ